ቅኔ ቤት ተማሪዎች የግእዝ ቋንቋን ረቂቅነት ተጠቅመው ምስጢርን በምስጢር፣ ጥበብን በጥበብ የሚገልጹበት የከፍተኛ ትምህርት እርከን ነው። ይህ ዘርፍ የሰምና ወርቅን ጥበብ፣ የቅኔ አወቃቀርንና የዜማ ልክን በማስተማር ተማሪው የራሱን የግጥም ሥራዎች እንዲያፈልቅ ያደርጋል።

የግእዝ ቋንቋ ትምህርት የቤተክርስቲያኒቱን ጥንታዊ ቋንቋ ሰዋስው፣ የቃላት መዋቅርና የትርጉም ሥርዓት በጥልቀት የሚያስተምር ክፍል ነው። ይህም ተማሪዎች ቅዱሳት መጻሕፍትን በራሳቸው ቋንቋ እንዲረዱና የቋንቋውን ምስጢር እንዲመረምሩ ያስችላቸዋል።

የንባብ ትምህርት በኢትዮጵያ ኦርቶዶክስ ተዋሕዶ ቤተክርስቲያን የመጀመሪያው የትምህርት እርከን ሲሆን፤ ተማሪዎች የንባብ ክህሎታቸውን የሚያዳብሩበትና የቤተክርስቲያኒቱን መሠረታዊ የጸሎት መጻሕፍት የሚያጠኑበት የትምህርት ክፍል ነው።

ባሕረ ሐሳብ የዘመን አቆጣጠር፣ የዕለታትና የዓመታት ስሌት እንዲሁም የአጽዋማትና የበዓላት መውጫ ቀናት የሚታወቁበት ጥበብ ነው። ይህ የትምህርት ዘርፍ በቤተክርስቲያን ቀመር መሠረት ተንቀሳቃሽ በዓላትን በምርምር ለማውጣት ያገለግላል።